वैज्ञानिकहरू भन्छन्,
उल्कापिण्डले गर्दा
पृथ्वीमा
जीवनको उत्पति भएको हो ।
जसरी आकाशमा उल्का खस्दा
मानिसहरूले आँखा बन्द गरेर बरदान माग्छन्,
त्यसरी नै तिमी पनि
आँखा बन्द गरेर,
परिवर्तन माग्दै,
नयाँ जीवनको सृष्टि गर्ने आशमा
गोलीहरू, ढुङ्गाहरू,
उल्कापिण्ड जसरी
वर्षाउदै छौ ।
सोच्न सक्थे भने
कुनै युगमा डाइनोसरहरूले सोच्थेहोला,
जीवनकोलागी
उल्कापिण्ड खस्नु जरूरि छ ।
मलाई तिमी त्यही
डाइनोसर जस्तो लाग्छ ।
वैज्ञानिकहरू भन्छन्,
उल्कापिण्ड खसेको कारणले
डाइनोसरहरू लोप भएका हुन् ।
( उल्का=meteor, उल्कापिण्ड=Meteorite)
No comments:
Post a Comment