नारी मुक्तिको आन्दोलन

-विवश बौलाहा


एक जना नानीले सरूभक्तको उपन्यास "तरूनी खेती" पढे पछि नारी माथि हुने
गरेका अत्याचार विरूद्ध विद्रोह गर्ने जोस जागेको कुरा जानकारी गराएकी
थिइन् ।

त्यसको केही दिन पछि उनले फेसबुकबाट भटाभट केटा साथिहरू हटाउन थालिन् ।

ल ! किताबले जादु गरेछ, भन्ठानेँ । नानीको विद्रोह सफल रहोस् भन्ने
आशयकासाथ एउटा म्यासेज पठाए । अनि त्यस्तो रौद्ररूपमा आउनुको कारण पनि
सोधीटोपलेँ ।

उत्तर पढ्दा मथिङ्गल नै घुम्यो । उनको प्रेमीलाई उनी केटाहसँग बोलेको मन
परेन, त्यसैले केटा साथीहरू हटाएको रे ।

अनि त्यतिबेलै कुनै आदर्शवान् पुस्तक प्रेमीले किताबले मान्छेको
जिन्दगीमा परिवर्तन ल्याउछ भनेको सम्झेँ ।

खैर जे होस्, ती नानीले थालेको नारी मुक्तिको आन्दोलन सफल रहोस् । तिनलाई
शुभकामना ।